കൊച്ചി: ലോക്ക് ഡൗണിനെ തുടര്‍ന്ന് കേരളത്തില്‍ കുടുങ്ങിയ അറുന്നൂറോളം ലക്ഷദ്വീപ് നിവാസികളെ ദ്വീപുകളില്‍ തിരിച്ചെത്തിച്ചു. ഇനി മുന്നോറോളം പേരെ എത്തിക്കാനുണ്ടെന്നും ഇന്നും നാളെയുമായി അവരെയും ദ്വീപുകളില്‍ എത്തിക്കുമെന്നും പി.പി. മുഹമ്മദ് ഫൈസല്‍ എം.പി അറിയിച്ചു. മംഗലാപുരത്ത് നിന്ന് 88 പേരെ രണ്ടു കപ്പലുകളിലായി ദ്വീപികളിലെത്തിച്ചു. കോഴിക്കോട് നിന്നുള്ളവരെ ഇന്നലെ രാത്രിയോടെ കൊച്ചിയില്‍ എത്തിച്ചു. കൊവിഡ് പരിശോധനയ്ക്ക് ശേഷം രണ്ടോ മൂന്നോ ദിവസത്തിനുള്ളില്‍ ഇവരെയും ദ്വീപുകളില്‍ എത്തിക്കും. ദ്വീപില്‍ കുടുങ്ങിയ 121 മലയാളികളാണ് കേരളത്തിലേക്ക് മടങ്ങാന്‍ രജിസ്റ്റര്‍ ചെയ്തിരുന്നത്. ഇവരില്‍ ആദ്യ ബാച്ച് കേരളത്തിലെത്തി.