തൃപ്രയാര്‍: തൃപ്രയാറില്‍ ആനയിടഞ്ഞത് പരിഭ്രാന്തി പരത്തി. കഴിഞ്ഞ ദിവസം രാത്രി ഒമ്പത് മണിയോടെയാണ് തൃശൂര്‍ റോഡില്‍ തൃപ്രയാര്‍ പാലത്തിനു സമീപം കര്‍ണ്ണന്‍ എന്ന ആന പ്രശ്‌നമുണ്ടാക്കിയത്. പുറത്തു നിന്നും കൊണ്ടുവന്ന ആനയെ ലോറിയില്‍ നിന്നും ഇറക്കുന്നതിനിടെയാണ് ഇടഞ്ഞത്. തുടര്‍ന്ന് ഇടഞ്ഞ ആന അമ്പത് മീറ്റര്‍ ദൂരത്തേക്ക് ഓടി. അരമണിക്കൂറിനു ശേഷം ആനയെ പാപ്പാന്മാരെത്തി തളച്ചു. ശ്രീരാമസ്വാമി ക്ഷേത്രത്തില്‍ ഉത്രം വിളക്കാഘോഷം നടക്കുന്നതിനിടെ ആനയിടഞ്ഞത് ആളുകളെ പരിഭ്രാന്തിയിലാക്കി. എന്നാല്‍ ക്ഷേത്രത്തിലേക്ക് കൊണ്ടുവന്ന ആനയല്ല ഇടഞ്ഞതെന്ന് ദേവസ്വം അധികൃതര്‍ പറഞ്ഞു.