തൃശൂര്‍: ഇന്ത്യന്‍ വിദ്യാഭ്യാസ രംഗത്ത് കൊമേഴ്‌സിന്റെ പ്രസക്തി ദൈനംദിനം കൂടി വരികയാണെന്നും വിദ്യാര്‍ഥികള്‍ക്ക് കൊമേഴ്‌സിലുള്ള തൊഴിലവസരങ്ങള്‍ ആഗോളതലത്തില്‍ കൂടി വരുന്നതായി സര്‍വ്വെകള്‍ വെളിപ്പെടുത്തുന്നുവെന്നും കാത്തലിക് സിറിയന്‍ ബാങ്ക് ചെയര്‍മാന്‍ ടി.എസ് അനന്തരാമന്‍ പറഞ്ഞു.
തൃശൂര്‍ ലയണ്‍സ് ക്ലബ്ബും ലോജിക് സ്‌കൂള്‍ ഓഫ് മാനേജ്‌മെന്റും സംയുക്തമായി തൃശൂര്‍ ലയണ്‍സ് ഹാളില്‍ നടത്തിയ കരിയേഴ്‌സ് ഇന്‍ കൊമേഴ്‌സ് എന്ന വിദ്യാര്‍ഥികള്‍ക്കായുള്ള സൗജന്യ സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ദേശീയ തലത്തിലും അന്തര്‍ദേശീയ തലത്തിലുമുള്ള അവസരങ്ങളെ കുറിച്ചും പരീക്ഷാ രീതികളെ കുറിച്ചും അതിനുവേണ്ട പരിശീലനത്തെ കുറിച്ചും അദ്ദേഹം കുട്ടികളുമായി സംവദിച്ചു. സെമിനാറില്‍ ട്രിച്ചൂര്‍ ലയണ്‍സ് ക്ലബ്ബ് പ്രസിഡന്റ് ജെയിംസ് വളപ്പില അധ്യക്ഷനായി. ലയണ്‍സ് എംഗേജിംഗ് യൂത്ത് പ്രൊജക്ട് അഡൈ്വസര്‍ സി.സുധീര്‍കുമാര്‍ മുഖ്യപ്രഭാഷണം നടത്തി. ലോജിക് സ്‌കൂള്‍ ഓഫ് മാനേജ്‌മെന്റ് ഡയറക്ടര്‍ കെ.ആര്‍ സന്തോഷ്‌കുമാര്‍, ലോജിക് സ്‌കൂള്‍ കരിയര്‍ അഡൈ്വസര്‍ മെര്‍ളിന്‍, തൃശൂര്‍ ലയണ്‍സ് ക്ലബ്ബ് സെക്രട്ടറി ജിയോ കാട്ടൂക്കാരന്‍ എന്നിവര്‍ സംസാരിച്ചു.