കോട്ടയം: ജില്ലയില്‍ കുറ്റകൃത്യങ്ങള്‍ കണ്ടെത്തുന്നതിനും തടയുന്നതിനുമായി കോട്ടയം ജില്ലാ പൊലിസ് മേധാവി എന്‍.രാമചന്ദ്രന്‍ നിര്‍ദേശപ്രകാരം ഇന്നലെ പുലര്‍ച്ചെ ഒരു മണി മുതല്‍ പുലര്‍ച്ചെ അഞ്ചു വരെ നടത്തിയ സ്‌പെഷല്‍ കോമ്പിങ് ഓപറേഷനില്‍ ജില്ലയൊട്ടാകെ 2134 വാഹനങ്ങള്‍ പരിശോധിച്ചു. പരിശോധനയുമായി ബന്ധപ്പെട്ട്  വിവിധ കേസുകളില്‍ പിടികിട്ടാപ്പുള്ളികളായ നാലു  പേരെ അറസ്റ്റ് ചെയ്തു.  63 വാറന്റുകള്‍ നടപ്പാക്കി. ഓപറേഷന്റെ ഭാഗമായി 114 ലോഡ്ജുകള്‍ പരിശോധിച്ചു. കൂടാതെ പൊതു സ്ഥലത്ത് പരസ്യമദ്യപാനം നടത്തിയതിനും പൊതുജനങ്ങള്‍ ബുദ്ധിമുട്ടുണ്ടാക്കുന്ന വിധം  പെരുമാറിയതിനും 23 കേസുകള്‍ രജിസ്റ്റര്‍ ചെയ്ത് നിയമനടപടി സ്വീകരിച്ചു.