അമ്പലപ്പുഴ: നങ്കൂരമിട്ടിരുന്ന വള്ളം ശക്തമായ കാറ്റില്‍ തകര്‍ന്നു. പുന്നപ്ര തെക്ക് പഞ്ചായത്ത് പതിമൂന്നാം വാര്‍ഡില്‍ ചള്ളി തോപ്പില്‍ സലീമിന്റെ ഉടമസ്ഥതയിലുള്ള മൂലധനമെന്ന വള്ളമാണ് തകര്‍ന്നത്. മത്സ്യബന്ധനം കഴിഞ്ഞ് പുന്നപ്ര ചള്ളി തീരത്തുനിന്നും ഒരു കിലോമീറ്റര്‍ അകലെ കടലില്‍ നങ്കൂരമിട്ടിരുന്ന വള്ളമാണ് ഇന്നലെ പുലര്‍ച്ചെയോടെയുണ്ടായ ശക്തമായ കാറ്റിലും തിരയിലും പെട്ട്  കരയിലേയ്ക്ക് അടിച്ചു കയറി കടല്‍ഭിത്തിയില്‍ ഇടിച്ച് പൂര്‍ണമായി തകര്‍ന്നത്. വള്ളത്തിലുണ്ടായിരുന്ന എന്‍ജിനും കേട്പാടുകള്‍ സംഭവിച്ചു. രണ്ടു  ലക്ഷം രൂപയുടെ നഷ്ടം ഉണ്ടായതായി കണക്കാക്കുന്നു.