തെഹ്‌റാന്‍: പരിശീലനത്തിനിടെ അബദ്ധത്തില്‍ ഇറാന്‍ മിസൈല്‍ സ്വന്തം കപ്പലില്‍ പതിച്ച് 19 നാവികര്‍ കൊല്ലപ്പെടുകയും 15 പേര്‍ക്ക് പരുക്കേല്‍ക്കുകയും ചെയ്തു.
പറന്നുയര്‍ന്ന മിസൈല്‍ ഒമാന്‍ ഉള്‍ക്കടലില്‍ ലക്ഷ്യത്തിനു സമീപത്തെ അകമ്പടി കപ്പലില്‍ പതിക്കുകയായിരുന്നു. ഞാറാഴ്ച ജാസ്‌ക് തുറമുഖത്തിനു സമീപമായിരുന്നു അപകടമെന്ന് സൈനിക വെബ്‌സൈറ്റ് പറയുന്നു.കപ്പലില്‍ എത്ര പേരുണ്ടായിരുന്നെന്ന് വ്യക്തമല്ല. അതേസമയം 40 നാവികര്‍ കപ്പലിലുണ്ടായിരുന്നെന്നും 20 പേര്‍ കൊല്ലപ്പെട്ടതായും തുര്‍ക്കി വാര്‍ത്താ ഏജന്‍സി റിപ്പോര്‍ട്ട് ചെയ്തു.