തിരുവനന്തപുരം: സംസ്ഥാനത്ത് ഇന്ന് അഞ്ചു പേര്‍ക്ക് കൊവിഡ് ബാധിച്ചതായി മുഖ്യമന്ത്രി പിണറായി വിജയന്‍ അറിയിച്ചു. ഇന്ന് ആരും രോഗമുക്തരായിട്ടില്ല. നാലു പേര്‍ വിദേശത്തു നിന്ന് വന്നവരാണ്. ഒരാള്‍ ചെന്നൈയില്‍ നിന്ന് വന്നതാണ്. ഇതുവരെ 524 പേര്‍ക്കാണ് സംസ്ഥാനത്ത് രോഗം സ്ഥിരീകരിച്ചത്.

ഇന്ന് കൊവിഡ് സ്ഥിരീകരിച്ചവർ- ജില്ല തിരിച്ച്

• മലപ്പുറം- 3
• പത്തനംതിട്ട- 1
• കോട്ടയം- 1

സംസ്ഥാനത്ത് നിലവില്‍ 32 പേരാണ് രോഗ ബാധിതരായി ചികിത്സയിലുള്ളത്. ഇതില്‍ 23 പേര്‍ക്കും കേരളത്തിനു പുറത്തുനിന്നാണ് കൊവിഡ് ബാധിച്ചത്. 

ചെന്നൈ- ആറു പേര്‍
മഹാരാഷ്ട്ര- നാലു പേര്‍
നിസാമുദ്ദീന്‍- രണ്ടു പേര്‍
വിദേശത്തു നിന്ന് -11 പേര്‍
ഇങ്ങനെയാണ് കേരളത്തിനു പുറത്തുനിന്ന് രോഗം ബാധിച്ച് വന്നവർ. മറ്റുള്ളവർക്ക് ഇവരില്‍ നിന്നാണ് രോഗം പകർന്നത്.