ഗൂഡല്ലൂര്‍: മസിനഗുടിക്ക് സമീപംപൊക്കാ പുരത്ത് ജലസംഭരണിയില്‍ കുടുങ്ങിയ കരടിയേയും രണ്ടു കുട്ടികളെയും വനംവകുപ്പ് ജീവനക്കാര്‍ രക്ഷപ്പെടുത്തി. സ്വകാര്യ വ്യക്തിയുടെ സ്ഥലത്തെ ജലസംഭരണിയിലാണ് കരടികള്‍ കുടുങ്ങിയത്. കരച്ചില്‍ കേട്ടെത്തിയ തോട്ടം തൊഴിലാളികളാണ് ഇത് സംബന്ധിച്ച് വനം വകുപ്പ് അധികൃതരെ അറിയിച്ചത്. തുടര്‍ന് സിങ്കാര റെയ്ഞ്ചര്‍ കാന്തന്റെ നേതൃത്വത്തില്‍ വനം വകുപ്പ് ജീവനക്കാര്‍ സ്ഥലത്തെത്തി കരടികള്‍ക്ക് കയറി വരാന്‍ പറ്റുന്ന രീതിയില്‍ കോണി ചാരി കൊടുത്താണ് കരടികളെ രക്ഷപ്പെടുത്തിയത്.  എന്നാല്‍ സംഭരണിയില്‍ നിന്ന് രക്ഷപ്പെട്ട കരടി വനപാലകര്‍ക്ക് നേരെ തിരിഞ്ഞത് അല്‍പസമയം ഭീതി പരത്തി.