കൊല്ലം: ആര്‍മി റിക്രൂട്ട്‌മെന്റ് റാലി ഇന്നു മുതല്‍ 21 വരെ ലാല്‍ബഹദൂര്‍ സ്റ്റേഡിയത്തില്‍ നടക്കും. എറണാകുളം, ഇടുക്കി, ആലപ്പുഴ, കോട്ടയം, പത്തനംതിട്ട, കൊല്ലം, തിരുവനന്തപുരം ജില്ലകളിലെ യുവാക്കള്‍ക്ക് റിക്രൂട്ട്‌മെന്റ് റാലിയില്‍ പങ്കെടുക്കാം. സോള്‍ജ്യര്‍ ജനറല്‍ ഡ്യൂട്ടി (ജി.ഡി), സോള്‍ജ്യര്‍ ടെക്‌നിക്കല്‍, സോള്‍ജ്യര്‍ ക്ലര്‍ക്ക് (സി.എല്‍.കെ), സ്റ്റോര്‍ കീപ്പര്‍ ടെക് (എസ്.കെ.ടി.), സോള്‍ ടെക് നഴ്‌സിങ് അസിസ്റ്റന്റ് (എന്‍.എ.), സോള്‍ജ്യര്‍ ട്രേഡ്‌സ്മാന്‍ എന്നീ തസ്തികകളിലേക്കാണ് റിക്രൂട്ട്‌മെന്റ്. ഓണ്‍ലൈനായാണ് ഉദ്യോഗാര്‍ഥികളുടെ രജിസ്‌ട്രേഷന്‍ പൂര്‍ത്തിയാക്കിയത്.
ക്രേവണ്‍ സ്‌കൂള്‍, ഗവ. ടി.ടി.ഐ എന്നിവിടങ്ങളില്‍ ഉദ്യോഗാര്‍ഥികള്‍ക്ക് താമസ സൗകര്യം ഏര്‍പ്പെടുത്തിയിട്ടുണ്ട്.