കാട്ടാക്കട: വൃദ്ധനെ റബര്‍പുരയിടത്തില്‍ മരിച്ച നിലയില്‍ കണ്ടെത്തി. ചാമവിള നെല്ലിവിള പുത്തന്‍വീട്ടില്‍ ജോസഫ് (65) ആണ് മരിച്ചത്. ഇന്നലെ രാവിലെയോടെ വിറകുശേഖരിക്കാന്‍ എത്തിയവരാണ്  ചാമവിള ആല്‍ഫ്രഡിന്റെ  ഉടമസ്ഥതയിലുള്ള റബര്‍ പുരയിടത്തില്‍   മൃതദേഹം കണ്ടെത്തിയത്. മൃതദേഹത്തിന് നാലു  ദിവസം പഴക്കമുണ്ട്.ആത്മഹത്യയാണെന്നാണ് പ്രാഥമിക നിഗമനം. ഇവിടെ നിന്നും  പ്ലാസ്സ്റ്റിക് കുപ്പിയും എഫ് .എം .സി ഷെറിഫ് ലേബല്‍ കീടനാശിനിയും കണ്ടെടുത്തു. മുഖവും ശരീരവും വികൃതമായിരുന്നു. കാട്ടാക്കട പൊലിസും ഫോറന്‍സിക് വിദഗ്ധരും ഡോഗ് സ്‌ക്വാഡും സ്ഥലത്തെത്തി പരിശോധന നടത്തി. ഭാര്യ സരോജം മക്കള്‍ അനിത അജിത .മൃതദേഹം മെഡിക്കല്‍ കോളേജ് ആശുപത്രിയിലേക്ക് മാറ്റി.