ശ്രീകണ്ഠപുരം: ജലനിധി വകുപ്പിന്റെ അനാസ്ഥ കാരണം പെരുവളത്ത്പറമ്പിലെ ആലത്തുടിക്കാര്‍ക്ക് കുടിവെള്ളം മുട്ടി. ഇരിക്കൂര്‍ ജലനിധി വകുപ്പിന്റെ കീഴിലുള്ള കുടിവെള്ള വിതരണമാണ് നാല് ദിവസമായി ആലത്തുടി ഭാഗത്ത് മുടങ്ങിയിരിക്കുന്നത്. കടുത്ത ജലക്ഷാമം നേരിടുന്ന പ്രദേശത്തിന്റെ ഏക ആശ്രയമാണിത്. പ്രതിമാസം പണമടച്ച് വെള്ളത്തിന് കാത്തിരിക്കുന്ന പ്രദേശവാസികള്‍ ഓഫിസുമായി ബന്ധപ്പെടുമ്പോള്‍ മോട്ടോര്‍ തകരാറിലാണെന്ന മറുപടിയാണ് ലഭിക്കുന്നത്.