പയ്യന്നൂര്‍: ജലദിന കാംപയിന്റെ ഭാഗമായി എസ്.കെ.എസ്.എസ്.എഫ് കരിവെള്ളൂര്‍ കമ്മറ്റി ഒരുക്കിയ തണ്ണീര്‍ പന്തല്‍ സാമൂഹ്യ വിരുദ്ധര്‍ നശിപ്പിച്ചു. കരിവെള്ളൂര്‍ ബസ് സ്റ്റോപ്പ് പരിസരത്താണ് തണ്ണീര്‍ പന്തല്‍ ഒരുക്കിയിരുന്നത്. കഴിഞ്ഞ ദിവസം രാത്രിയാണ് അക്രമം നടന്നത്. പ്രവര്‍ത്തകര്‍ പുതിയ തണ്ണീര്‍ പന്തല്‍ ടൗണ്‍ മുഹ്‌യദ്ദീന്‍ മസ്ജിദിന് സമീപത്തായി ആരംഭിച്ചു. തണ്ണീര്‍ പന്തല്‍ നശിപ്പിച്ചതില്‍ എസ്.കെ.എസ്.എസ്.എഫ് പയ്യന്നൂര്‍ മേഖലാ കമ്മറ്റി പ്രതിഷേധിച്ചു.