ചെറുപുഴ: കര്‍ണാടക വനത്തിനുള്ളില്‍നിന്ന് മുറിച്ചുകടത്തുകയായിരുന്ന ലക്ഷക്കണക്കിന് രൂപയുടെ മരം പിടികൂടി.
പുളിങ്ങോം പുഴയുടെ പാലാവയല്‍ പാലത്തിനു സമീപത്തിനുനിന്നാണ് മരം പിടികൂടിയത്. വ്യാഴാഴ്ച രാത്രിയാണ് സമത ക്ലബിന്റെ സമീപത്ത് റോഡരികില്‍ മരം കൂട്ടിയിട്ടിരിക്കുന്നത് നാട്ടുകാരുടെ ശ്രദ്ധയില്‍പെട്ടത്.
ചിറ്റാരിക്കാല്‍ പൊലിസ് സ്ഥലത്തെത്തി ഫോറസ്റ്റ് അധികൃതരെ വിവരമറിയിക്കുകയും രണ്ട് ലക്ഷത്തോളം രൂപ വിലവരുന്ന കരിംതകര മരം പിടികൂടുകയുമായിരുന്നു.
മരത്തിന്റെ കുറേ ഭാഗം കടത്തിക്കൊണ്ടു പോയതായും സൂചനയുണ്ട്. കര്‍ണാടക വനത്തിനുള്ളില്‍ മുറിച്ചു വയ്ക്കുന്ന മരം മഴക്കാലത്ത് പുഴയിലൂടെ ഒഴുക്കി കൊണ്ടുവന്നു കരയ്ക്കു കയറ്റുകയാണ് ചെയ്യുന്നത്. വെളളക്കല്ല്, ഓടക്കൊല്ലി ഭാഗത്തുനിന്നാണ് വ്യാപകമായി മരം മുറിച്ചു കടത്തുന്നത്.