കോഴിക്കോട്: മുന്‍ കേന്ദ്രമന്ത്രിയും മുസ്‌ലിം ലീഗ് നേതാവുമായിരുന്ന ഇ. അഹമ്മദിന്റെ പേരില്‍ സി.എച്ച് വിചാര്‍വേദി നല്‍കുന്ന പുരസ്‌കാരം പ്രഖ്യാപിച്ചു.

സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. ആലിക്കുട്ടി മുസ്‌ലിയാര്‍ക്കും കെ.എന്‍.എം പ്രസിഡന്റ് ടി.പി അബ്ദുല്ലക്കോയ മദനിക്കുമാണ് പുരസ്‌കാരം.

കമാല്‍ വരദൂര്‍, എ. സജീവന്‍, ടി.പി ചെറൂപ്പ എന്നിവരടങ്ങുന്ന ജൂറിയാണ് ജേതാക്കളെ പ്രഖ്യാപിച്ചത്. പ്രശസ്തിപത്രവും ശില്‍പവും അടങ്ങുന്ന പുരസ്‌കാരം ഏപ്രില്‍ ആദ്യവാരം കോഴിക്കോട്ട് നടക്കുന്ന ചടങ്ങില്‍ സമര്‍പ്പിക്കുമെന്ന് വിചാര്‍വേദി ഭാരവാഹികളായ സഫ അലവി, പി. ഇസ്മാഈല്‍, എം.വി കുഞ്ഞാമു, ഇ.വി ഉസ്മാന്‍കോയ എന്നിവര്‍ അറിയിച്ചു.