ചേളാരി: സമസ്ത കേരള സുന്നി ബാലവേദി സംസ്ഥാന കമ്മിറ്റി അന്താരാഷ്ട്ര ജലദിനത്തോടനുബന്ധിച്ച് നടത്തുന്ന ജലദിന കാംപയിനിന് മാര്‍ച്ച് 10ന് തുടക്കം കുറിക്കും. 'കരുതിവെക്കാം ജീവന്റെ തുള്ളികള്‍ നാളെക്കായ്' എന്ന പ്രമേയത്തില്‍ നടത്തുന്ന കാംപയിന്‍ സമസ്ത കേരള ഇസ്്‌ലാം മത വിദ്യാഭ്യാസ ബോര്‍ഡിനു കീഴിലുള്ള പതിനായിരത്തോളം മദ്‌റസകളില്‍ നടക്കും.

തണ്ണീര്‍ പന്തല്‍, പോസ്റ്റര്‍ പ്രദര്‍ശനം, ജലദിന പ്രതിജ്ഞ, ചിത്ര പ്രദര്‍ശനം, പറവകള്‍ക്കൊരു നീര്‍കുടം എന്നീ പരിപാടികളും നടക്കും. കാംപയിന്‍ വന്‍ വിജയമാക്കാന്‍ പ്രവര്‍ത്തകര്‍ കര്‍മരംഗത്തിറങ്ങണമെന്നു സുന്നി ബാലവേദി സംസ്ഥാന കമ്മിറ്റി ആവശ്യപ്പെട്ടു.