കോഴിക്കോട്: പ്രളയബാധിത പ്രദേശങ്ങളില്‍ സമസ്ത നടത്തുന്ന ദുരിതാശ്വാസ പ്രവര്‍ത്തനങ്ങളുടെ ഭാഗമായി കട്ടിപ്പാറ കരിഞ്ചോലയില്‍ നിര്‍മിച്ചു നല്‍കുന്ന വീടിന്റെ താക്കോല്‍ദാനം ഇന്ന് വൈകുന്നേരം നാലിന് പട്ടിഒഴിഞ്ഞ തോട്ടത്തില്‍ നടക്കും. സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് ജന. സെക്രട്ടറി എം.ടി അബ്ദുല്ല മുസ്‌ലിയാരുടെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.

വാവാട് കുഞ്ഞിക്കോയ മുസ്‌ലിയാര്‍, ഉമര്‍ഫൈസി മുക്കം, എ.വി അബ്ദുറഹിമാന്‍ മുസ്‌ലിയാര്‍, സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി, എം.സി മായിന്‍ഹാജി, സി. മോയിന്‍കുട്ടി, പി.എം ഉമ്മര്‍ മാസ്റ്റര്‍, കെ. മോയിന്‍കുട്ടി മാസ്റ്റര്‍, മുസ്തഫ മുണ്ടുപാറ, അബ്ദുല്ലഫൈസി നടമ്മല്‍ പൊയില്‍, അബ്ദുല്‍ബാരി ബാഖവി, അബ്ദുല്ല മുസ്‌ലിയാര്‍ കൂനഞ്ചേരി, വി.ഒ.ടി റഹീംഹാജി, ആലിഹാജി അവേലം തുടങ്ങിയവര്‍ സംബന്ധിക്കുമെന്ന് സംഘാടകസമിതി ചെയര്‍മാന്‍ നാസര്‍ഫൈസി കൂടത്തായിയും കണ്‍വീനര്‍ അബ്ദുറഹിമാന്‍ മാസ്റ്റര്‍ കട്ടിപ്പാറയും അറിയിച്ചു.