നാദാപുരം: നിര്‍മാണത്തിനിടെ കിണറിടിഞ്ഞു വീണ് തൊഴിലാളിക്ക് പരുക്കേറ്റു. കുളങ്ങരവീട്ടില്‍ കുമാരനാണ് (55) പരുക്കേറ്റത്. ഇന്നലെ രാവിലെ ഒന്‍പതരയോടെ കുറുവന്തേരി കുണ്ടുകുളങ്ങര യിലെ കത്രികവീട്ടില്‍ അബ്ദുറഹ്മാന്റെ വീട്ടിലെ പഴയ കിണര്‍ റിപ്പയര്‍ ചെയ്യുന്നതിനിടെയാണ് അപകടം.
 മണ്ണിട്ടു നികത്തിയ സ്ഥലത്ത് കുഴിച്ചതാണ് അപകടത്തിന് കാരണം. കിണറ്റിനുള്ളില്‍പ്പെട്ട കുമാരനെ രക്ഷിക്കാന്‍ നാട്ടുകാര്‍ ശ്രമിച്ചെങ്കിലും വിഫലമാവുകയായിരുന്നു. ഇതേത്തുടര്‍ന്ന് ചേലക്കാട്ടു നിന്ന് അഗ്‌നിശമന സേനയെ വിളിച്ചു വരുത്തുകയായിരുന്നു. കുമാരനെ ചികിത്സയ്ക്കായി വടകര താലൂക്ക് ആശുപത്രിയില്‍ പ്രവേശിപ്പിച്ചു.