പേരാമ്പ്ര: ചങ്ങരോത്ത് പഞ്ചായത്തിലെ നെല്ലറയായി അറിയപ്പെട്ടിരുന്ന മുണ്ടത്തടം പാടശേഖരത്തില്‍ കര്‍ഷക കൂട്ടായ്മയുടെ നേതൃത്വത്തില്‍ വീണ്ടും കൃഷിയിറക്കി. സ്വകാര്യ വ്യക്തികളുടെ കൈവശമുള്ള 14 ഏക്കര്‍ വയലില്‍ കുടുംബശ്രീ, സ്വാശ്രയ സംഘങ്ങള്‍, കര്‍ഷകര്‍, കര്‍ഷക തൊഴിലാളികള്‍ എന്നിവരാണ് കൃഷിയിറക്കിയത്. നെല്‍കൃഷി നടീല്‍ ഉദ്ഘാടനം പേരാമ്പ്ര ബ്ലോക്ക് പഞ്ചായത്ത് പ്രസിഡന്റ് എ.സി സതി നിര്‍വഹിച്ചു. പഞ്ചായത്ത് പ്രസിഡന്റ് കെ.കെ ആയിഷ അധ്യക്ഷയായി. എം.ടി നാണു റിപ്പോര്‍ട്ട് സമര്‍പ്പിച്ചു. പഴയകാല കര്‍ഷകന്‍ കോറോത്ത് മീത്തല്‍ കുപ്പയെ ചടങ്ങില്‍ ആദരിച്ചു. ബ്ലോക്ക് പഞ്ചായത്തംഗം എം. സൈറാ ബാനു, പഞ്ചായത്തംഗം എം.കെ ഹയറുന്നീസ പ്രസംഗിച്ചു.