വടകര: ഇരു വൃക്കകളും തകരാറിലായ യുവാവിനെ സഹായിക്കാന്‍ ഇന്നലെ എട്ടോളം ബസുകള്‍ സര്‍വിസ് നടത്തി. വടകര, അറബിക് കോളജ്, കൊളാവിപാലം, കോട്ടക്കല്‍ റൂട്ടിലെ എട്ടോളം സ്വകാര്യ ബസുകളാണ് ഇരു വൃക്കകളും തകരാറിലായ ഇരിങ്ങല്‍ മുണ്ടത്തടത്തില്‍ ബിജുവിന്റെ ചികിത്സാ ധനസഹായത്തിനു വേണ്ടി സര്‍വിസ് നടത്തിയത്. സണ്‍, സ്റ്റാര്‍, സ്‌നേഹ, സെന്ന, ഹര്‍ഷ, നന്ദന, അനുഗ്രഹ, ന്യൂബ്രൈറ്റ് എന്നീ ബസുകള്‍ ചികിത്സയ്ക്കായി ഒരു ലക്ഷം രൂപയോളം ധനസമാഹരണം നടത്തി. പടന്നയില്‍ പ്രഭാകരന്‍ ചെയര്‍മാനും കുന്നങ്ങോത്ത് പ്രകാശന്‍ കണ്‍വീനറുമായ കമ്മിറ്റി നേതൃത്വം നല്‍കി.