കോഡൂര്‍:ആല്‍പ്പറ്റക്കുളമ്പ പി.കെ.എം.യു.പി. സ്‌കൂളിലെ പൂര്‍വ വിദ്യാര്‍ഥികളിലെ പ്രതിഭകളെ അനുമോദിച്ചു. എസ്.എസ്.എല്‍.സി., പ്ലസ്ടു പരീക്ഷകളില്‍ മുഴുവന്‍ വിഷയങ്ങള്‍ക്കും എ പ്ലസ് വാങ്ങിയവരേയും യു.എസ്.എസ്. പരീക്ഷയില്‍ വിജയച്ചവരേയും പി.ടി.എ.യും സ്‌കൂള്‍ മാനേജ്‌മെന്റും സംയുക്തമായി ഉപഹാരം നല്‍കി അനുമോദിച്ചു.
പി. ഉബൈദുള്ള എംഎല്‍എ ഉദ്ഘാടനം നിര്‍വഹിച്ചു. ഗ്രാമപഞ്ചായത്ത് പ്രസിഡന്റ് സി.പി. ഷാജി അധ്യക്ഷനായി.
പഞ്ചായത്ത് അംഗങ്ങളായ മുഹമ്മദലി കടമ്പോട്ട്, അബ്ദുന്നാസര്‍ കുന്നത്ത്, പി.ടി.എ. പ്രസിഡന്റ് ഒ.കെ. അബ്ദുല്‍ മജീദ്, പ്രഥമാധ്യാപകന്‍ വി. മുഹമ്മദ്, സ്‌കൂള്‍ മാനേജര്‍ കടക്കാടന്‍ അബ്ദുല്‍ റഹീം എന്ന മാനു, അധ്യാപകരായ രാജന്‍, വാസു, ഉസ്മാന്‍, അസീന്‍ ബാബു തുടങ്ങിയവര്‍ സംസാരിച്ചു.