തൃശൂര്‍: നഴ്സിനെ ആക്രമിച്ച് കൊലപ്പെടുത്താന്‍ ശ്രമിച്ച കേസില്‍ പ്രതി മുന്‍ കാമുകിയുടെ നഗ്നചിത്രം വാട്‌സാപ്പില്‍ സ്റ്റാറ്റസാക്കിയതിന് അറസ്റ്റില്‍. തൃശൂര്‍ മുളങ്കുന്നത്തുകാവ് സ്വദേശി അനില്‍ കുമാറിനെയാണ് ഇരിങ്ങാലക്കുട പൊലിസ് അറസ്റ്റ് ചെയ്തത്.
നഴ്‌സിനെ ആക്രമിച്ച കേസില്‍ ജാമ്യത്തിലിറങ്ങിയതിന് പിന്നാലെയാണ് നഗ്‌ന ചിത്രം പ്രചരിപ്പിച്ച കേസിസില്‍ അറസ്റ്റിലായത്.
കുഴിക്കോട്ടുകാണം സ്വദേശിയായ യുവതിയുമായി ഇയാള്‍ ഏറെ നാളായി പ്രണയത്തിലായിരുന്നു. ഇവര്‍ മാസങ്ങളോളം ഒരുമിച്ചും താമസിച്ചു. അഭിപ്രായ വ്യത്യാസത്തെതുടര്‍ന്ന് യുവതി ഇയാളെ വിട്ടു പോകുകയായിരുന്നു. ഇതിന്റെ പകയില്‍ അനില്‍ യുവതിയുടെ ചിത്രങ്ങള്‍ വാട്‌സാപ്പില്‍ സ്റ്റാറ്റസായി ഇടുകയായിരുന്നു. യുവതി ഇതിനെതിരെ പരാതി നല്‍കിയതിനെ തുടര്‍ന്നാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.