നിലമ്പൂര്‍: ഇരുവൃക്കകളും തകരാറിലായ റംഷീദിനെ സഹായിക്കുന്നതിനായി നിലമ്പൂര്‍ കുടുംബശ്രീ അംഗങ്ങള്‍ സ്വരൂപിച്ച തുക പി.വി അന്‍വര്‍ എംഎല്‍എ കമ്മിറ്റിക്ക് കൈമാറി. നഗരസഭാ വൈസ് ചെയര്‍മാന്‍ പി.വി ഹംസ ഉദ്ഘാടനം ചെയ്തു. സി.ഡി.എസ് പ്രസിഡന്റ് കെ.വി ആമിന അധ്യക്ഷയായി. കൗണ്‍സിലര്‍മാരായ അരുമ ജയകൃഷ്ണന്‍, സെമീറ അസീസ്, മുസ്തഫ കളത്തുംപടിക്കല്‍, എന്‍.വേലുക്കുട്ടി, ഗോപാലകൃഷ്ണന്‍, അടുക്കത്ത് ആസ്യ, കുടുംബശ്രീ അംഗങ്ങളായ ഗീതാഞ്ജലി, സാജിദ പറമ്പാടന്‍ സംസാരിച്ചു.