വിശാഖപട്ടണം: ദേശീയ പൊലിസ് അക്വാട്ടിക് ചാംപ്യന്‍ഷിപ്പില്‍ സാജന്‍ പ്രകാശിന് റെക്കോര്‍ഡോടെ മൂന്നാം സ്വര്‍ണം. 200 മീറ്റര്‍ ഫ്രീ സ്റ്റെയിലില്‍ മീറ്റ് റെക്കോര്‍ഡോടെ സാജന്‍ പ്രകാശ് കേരള പൊലിസിന് മൂന്നാം സ്വര്‍ണം സമ്മാനിച്ചു. 1.53 സെക്കന്‍ഡിലാണ് പുതിയ മീറ്റ് റെക്കോര്‍ഡ് കുറിച്ചത്. നേരത്തെ 100, 200 മീറ്റര്‍ ബട്ടര്‍ഫ്‌ളൈയില്‍ മീറ്റ് റെക്കോര്‍ഡോടെ സാജന്‍ സ്വര്‍ണം നേടിയിരുന്നു. 200 മീറ്റര്‍ ബാക് സ്‌ട്രോക്കില്‍ കേരള പൊലിസ് താരങ്ങളായ രഞ്ജിത് സ്വര്‍ണവും രാഹുല്‍ കൃഷ്ണ വെങ്കലവും നേടി.