കൊല്ലം: ചികിത്സയിലുണ്ടായിരുന്ന മൂന്ന് രോഗിയും ആശുപത്രി വിട്ടതോടെ കൊല്ലം ജില്ല കൊവിഡ് മുക്തമായി.മാര്‍ച്ച് 27ന് ദുബൈയില്‍നിന്ന് മടങ്ങിയെത്തിയ പ്രാക്കുളം സ്വദേശിക്കായിരുന്നു ജില്ലയില്‍ ആദ്യം കൊവിഡ് സ്ഥിരീകരിച്ചത്. പിന്നീട് ചികിത്സയില്‍ എത്തിയവരെല്ലാം അസുഖം ഭേദമായി ആശുപത്രി വിട്ടു.

19 പേര്‍ക്കാണ് ജില്ലയില്‍ ഇതുവരെ കൊവിഡ് സ്ഥിരീകരിച്ചത്. ജില്ലയില്‍ നാലുപേര്‍ മാത്രമാണ് ഇനി ആശുപത്രികളില്‍ നിരീക്ഷണത്തിലുള്ളത്. 19 സാംപിളുകളുടെ പരിശോധനാ ഫലം വരാനുണ്ട്.