ജിദ്ദ: കൊവിഡ് 19 പാശ്ചാതലത്തിൽ പ്രവാസ ലോകത്തെ ഇന്ത്യൻ സമൂഹം ജന്മനാടുകളിലേക്ക് തിരിക്കുന്ന ഈ സാഹചര്യത്തിൽ മദീന അന്താരാഷ്ട്ര വിമാനതാവളത്തിൽ നിന്നും ഇന്ത്യയിലെ കേരളമടക്കമുള്ള വിവിധ എയർപ്പോർട്ടുകളിലേക്കും വിമാന സർവ്വീസ് ആരംഭിക്കണമെന്ന് മദീന കെ എം സി സി ആവശ്യപെട്ടു.

ഇന്ത്യൻ എംമ്പസി സഊദിയിൽ തയ്യാറാക്കിയ വിമാനതാള പോയൻ്റുകളിൽ റിയാദ്, ജിദ്ദ, ദമാം എന്നീ പോയൻൻ്റുകൾ മാത്രമാണുള്ളത് മദീനയിലും ആയിരകണക്കിന് പ്രവാസി സമൂഹം ജന്മനാടുകളിലേക്ക് യാത്രയാകുവാൻ എല്ലാ തരത്തിലും ഇന്ത്യൻ ഗവൻമൻ്റ് തയ്യാറാക്കിയ മുൻഗണനയുള്ളവർ രജിസ്റ്റർ ചെയ്ത് കാത്തിരിക്കുകയാണ്. കൊവിഡല്ലാത്ത രോഗ തുല്യരായവരും ഗർഭിണികളായ സഹോദരികളും വിസിറ്റിംഗ് വിസയിലെത്തി കാലവധി കഴിഞ്ഞവരും ജോലിയിൽ നിന്ന് പിരിച്ചുവിട്ടവരും എക്സിറ്റടിച്ചവരും വൃന്ദരായ ആളുകളും കുട്ടികളുമെല്ലാം ഇതിൽ പെടും ഇന്ത്യൻ എംബസി തയ്യാറാക്കുന്ന അടുത്ത ഷെഡ്യൂളുകളുടെ യാത്ര ലിസ്റ്റുകളിൽ മദീനയിൽ നിന്നുള്ള വിമാനസർവ്വീസ് പരിഗണനയില്ലാത്തത് മദീന വിമാന താവളത്തെ മാത്രം ആശ്രയിക്കുന്ന മദീനയിലും പരിസര പ്രദേശങ്ങങ്ങളായ ഖൈബർ, യാമ്പു, അനാക്കിയ അൽ മഹദ് ,ബദർ, അൽ ഉലാ പോലുള്ള സ്ഥലങ്ങളിൽ നിന്നുള്ള പ്രവാസി സമൂഹക്കൾക്ക് വളരെ വലിയ ബുദ്ധിമുട്ടുകളാണ് സൃഷ്ടിക്കുന്നത്.നിലവിലെ സാഹചര്യത്തിൽ മദീന വിമാന താവളം വഴി ഇന്ത്യയിലേക്ക് വിമാന സർവീസുകൾ ആരംഭിക്കണമെന്നാണ് കെ എം സി സി മദീന ഘടകം ആവശ്യപെടുന്നത്. ശക്തമായ കർഫ്യൂ സംവ്വിധാനം നിലനിൽക്കുന്ന മദീന പോലുള്ള സ്ഥലങ്ങളിൽ നിന്ന് നാനൂറിലധികം കിലോമീറ്ററുകൾക്കപ്പുറത്തുള്ള ജിദ്ദ പോലുള്ള സ്ഥലങ്ങളിലേക്ക് ഇത്തരം ആളുകൾക്ക് എത്തിപെടൽ പ്രയാസമാകും ഇന്ത്യൻ ഗവർമെൻമെൻ്റും എംബസിയും കേരള ഗവൻമെൻ്റും ഈ വിഷയത്തിൽ ശ്രദ്ധ പുലർത്തണമെന്ന് മദീനയിലെ ഇന്ത്യൻ സമൂഹത്തിന് വേണ്ടി ആവശ്യപെട്ടു കൊണ്ട് നാട്ടിലേക്ക് പോകുവാൻ തയ്യാറുള്ള പ്രവാസികളുടെ കണക്ക് വിവരങ്ങൾ വെച്ച് ഇന്ത്യൻ അംമ്പാസിഡർ ഔസാഫ് സഈദിനും ജിദ്ദ കോൺസുലർ ജനറൽ നൂർ റഹ്മാൻ ശൈഖ് , വിദേശകാര്യ സഹമന്ത്രി വി മുരളീധരൻ മുസ്ലിം ലീഗ് നേതാവ് ഇ ടി മുഹമ്മദ് ബഷീർ എന്നിവർക്ക് മെയിൽ മുഖാന്തരം നിവേദനം സമർപ്പിച്ചിട്ടുണ്ടെന്ന് മദീന കെ എം സി സി നേതാക്കളായ സൈദ് മൂന്നിയൂർ ഷെരീഫ് കാസർക്കോട് ,ഗഫൂർ പട്ടാമ്പി, ഹംസ പെരിമ്പലം എന്നിവർ പ്രസ്ഥാവനയിലൂടെ അറിയിച്ചു.കഴിഞ്ഞ ദിവസം മദീന കെ എം സി സി ഈ വിഷയം കേരളത്തിൻ്റെ ഉപ പ്രതിപക്ഷ നേതാവ് എം കെ മുനിറിൻ്റെ ശ്രദ്ധയിൽ പെടുത്തിയതിനെ തുടർന്ന് അദ്ദേഹംഹം മുഖ്യമന്ത്രി പിണറായി വിജയനോട് ഈ വിഷയത്തിൽ അടിയന്തിരമായി ഇടപെടണം എന്നും ആവശ്യപെട്ടിരുന്നു.