കൊച്ചി: എ.ഐ.വൈ.എഫ് എറണാകുളം ജില്ലാസമ്മേളനം ഓഗസ്റ്റ് 25, 26, 27 തിയതികളില്‍ എറണാകുളത്ത് നടക്കും. സമ്മേളനത്തിനുമുന്നോടിയായുള്ള സംഘാടക സമിതി രൂപീകരണയോഗം സി.പി.ഐ ജില്ലാ സെക്രട്ടറി പി രാജു ഉദ്ഘാടനം ചെയ്തു. എ.ഐ.വൈ.എഫ് സംസ്ഥാനവൈസ് പ്രസിഡന്റ് ടി.സി സന്‍ജിത്ത്,സംസ്ഥാന എക്‌സിക്യുട്ടീവ് അംഗം ടി.എം ഹാരിസ്,എ.ഐ.ടി.യു.സി ജില്ലാസെക്രട്ടറി കെ.എന്‍ ഗോപി, സി.പി.ഐ ജില്ലാ എക്‌സിക്യുട്ടീവ് അംഗം എം.ടി നിക്‌സണ്‍, എ.ഐ.വൈ.എഫ് ജില്ലാസെക്രട്ടറി അഡ്വ.സന്തോഷ് പീറ്റര്‍, പ്രസിഡന്റ് അഡ്വ. മനോജ് ജി കൃഷ്ണന്‍, കെ.ആര്‍ റെനീഷ്, എം.പി രാധാകൃഷ്ണന്‍, ജി ഗോകുല്‍ദേവ്, ഇ.എസ് അനുമോന്‍, വി.എസ് സുനില്‍ കുമാര്‍ എന്നിവര്‍ സംസാരിച്ചു.
സമ്മേളനത്തിന്റെ വിജയത്തിനായി 101 അംഗ സംഘാടക സമിതിയും 51 അംഗ എക്‌സിക്യുട്ടീവ് കമ്മിറ്റിയും രൂപീകരിച്ചു. ഭാരവാഹികളായി പി രാജു, എല്‍ദോ എബ്രഹാം എം.എല്‍.എ, പ്രഫ.കെ അരവിന്ദാക്ഷന്‍(രക്ഷാധികാരികള്‍),അഡ്വ.കെ.എന്‍ സുഗതന്‍ (ചെയര്‍മാന്‍), ടി.സി സന്‍ജിത്ത്(കണ്‍വീനര്‍), എം.പി രാധാകൃഷ്ണന്‍ (ട്രഷറര്‍)എന്നിവരെ തിരഞ്ഞെടുത്തു.