തൃശൂര്‍: അതിരപ്പിള്ളി പദ്ധതിക്കെതിരേ ഉയരുന്ന എതിര്‍പ്പുകള്‍ കഴമ്പുള്ളതാണെന്ന് പ്രമുഖ പരിസ്ഥിതി പ്രവര്‍ത്തകന്‍ പ്രൊഫ. മാധവ് ഗാഡ്ഗില്‍. കേരള വനഗവേഷണ സ്ഥാപനത്തില്‍ ഗവേഷകരുമായി നടന്ന മുഖാമുഖം പരിപാടിയില്‍ സംസാരിക്കുകയായിരുന്നു അദ്ദേഹം.
നിബിഡ വനപ്രദേശത്ത് പദ്ധതി വരുന്നത് ആവാസ വ്യവസ്ഥയെ തകിടംമറിക്കുമെന്നും അദ്ദേഹം പറഞ്ഞു. ജൈവവൈവിധ്യ ബോര്‍ഡ് മുന്‍ ചെയര്‍മാന്‍ ഡോ. വി.എസ് വിജയന്‍, ഡോ. ശ്യാം വിശ്വനാഥ്, ഡോ. ടി. വിസജീവ് തുടങ്ങിയവര്‍ സംസാരിച്ചു.