കോഴിക്കോട്: പാര്‍ട്ടി വിരുദ്ധ പ്രവര്‍ത്തനം നടത്തി എന്നാരോപിച്ചു സിപിഎമ്മില്‍നിന്ന് തന്നെ പുറത്താക്കാന്‍ തീരുമാനിച്ചതില്‍  വിഷമമുണ്ടെന്ന് ജിഷ്ണുവിന്റെ അമ്മാവന്‍ ശ്രീജിത്ത്.

ജിഷ്ണുവിനു നീതിലഭിക്കണമെന്നാവശ്യപ്പെട്ട് ഡിജിപി ഓഫിസിനു മുന്നില്‍ നടത്തിയ സമരത്തില്‍ ഭരണകൂടത്തിന്റെ ഭാഗത്തുനിന്നു നീതിനിഷേധമുണ്ടായെന്നും അദ്ദേഹം പറഞ്ഞു.  

സമരം സര്‍ക്കാരിനോ പാര്‍ട്ടിക്കോ എതിരല്ലായിരുന്നുവെന്ന കാര്യം പാര്‍ട്ടിയോട് വിശദീകരിക്കുമെന്നും അദ്ദേഹം പറഞ്ഞു.

വളയം വണ്ണാര്‍ക്കണ്ടി ബ്രാഞ്ച് കമ്മിറ്റി അംഗവും ദേശാഭിമാനി ജീവനക്കാരനുമാണ് ശ്രീജിത്ത്. പാര്‍ട്ടിയില്‍നിന്നു പുറത്താക്കിയതിനെ തുടര്‍ന്ന് ശ്രീജിത് ദേശാഭിമാനിയില്‍നിന്നു രാജി വച്ചു.