പ്രൈം മെമ്പര്‍ഷിപ്പ് എടുക്കാനുള്ള കാലാവധി അവസാനിക്കാനിരിക്കേ പുതിയ ഓഫര്‍ പ്രഖ്യാപിച്ച് ജിയോ. ജിയോ ധന്‍ ധനാ ധന്‍ എന്ന പേരിലാണ് വിവിധ ഓഫറുകള്‍ പ്രഖ്യാപിച്ചിരിക്കുന്നത്. നിലവിലുള്ള ഉപയോക്താക്കള്‍ക്കും പുതിയ ഉപയോക്താക്കള്‍ക്കും പ്രത്യേകം പ്രത്യേകം ഓഫറുകളാണ് ധന്‍ ധനാ ധനിലുള്ളത്.

നിലവിലുള്ള പ്രൈം മെമ്പര്‍മാര്‍ 309 രൂപ റീച്ചാര്‍ജ്ജ് ചെയ്താല്‍ മൂന്നു മാസത്തേയ്ക്ക് ദിവസേന 1 ജി.ബി ഡാറ്റ ലഭിക്കും. 509 രൂപ റിച്ചാര്‍ജ്ജ് ചെയ്യുകയാണെങ്കില്‍ മൂന്നു മാസത്തേക്ക് 2 ജി.ബി ഡാറ്റ ലഭിക്കും. പുതിയ സിം എടുക്കുന്നവര്‍ക്കും പ്രൈം മെമ്പര്‍ഷിപ്പ് എടുക്കാത്തവര്‍ക്കും 408 രൂപ ചെയ്താല്‍ ദിനേന മൂന്നു മാസത്തേക്ക് ഒരു ജി.ബിയും 608 രൂപ റിച്ചാര്‍ജ്ജ് ചെയ്താല്‍ മൂന്നു മാസത്തേക്ക് ദിനേന രണ്ടു ജി.ബിയും ഡാറ്റ ലഭിക്കും.

ഇതിനെല്ലാം പുറമേ സൗജന്യ വോയിസ് കോള്‍, എസ്.എം.എസ്, ജിയോ ആപ്പ് സൗകര്യവും ലഭിക്കും. ജിയോ പ്രൈമില്‍ മെമ്പര്‍ഷിപ്പ് എടുക്കേണ്ട കാലാവധി ഏപ്രില്‍ 15ന് അവസാനിക്കാനിരിക്കേയാണ് പുതിയ ഓഫര്‍ പ്രഖ്യാപിച്ചിരിക്കുന്നത്.