ന്യൂഡല്‍ഹി: ബി.ജെ.പി എം.പിമാര്‍ ഹനുമാനെപ്പോലെ പണിയെടുക്കണമെന്ന് പ്രധാനമന്ത്രി നരേന്ദ്ര മോദി. നാളെ ബജറ്റ് സെഷന്‍ അവസാനിക്കാനിരിക്കേ ചേര്‍ന്ന പ്രത്യേക യോഗത്തിലാണ് മോദിയുടെ ഉപദേശം.

''ലക്ഷ്മണന്‍ രോഗാവസ്ഥയിലായപ്പോള്‍ ഹനുമാന്‍ ആരും കുത്തിക്കൊടുക്കാതെ തന്നെ മരുന്ന് കണ്ടെത്താനായി പോയി. ഇതുപോലെ, നിര്‍ദേശങ്ങള്‍ക്കു കാത്തിരിക്കാതെ എം.പിമാര്‍ മുമ്പോട്ടു പോവണം. സര്‍ക്കാര്‍ പദ്ധതികള്‍ ജനങ്ങള്‍ക്കെത്തിക്കാന്‍ ശ്രമിക്കേണ്ടതുണ്ട്'', മോദി ബി.ജെ.പി എം.പിമാരോട് പറഞ്ഞു.

ഹനുമാന്‍ ജയന്തി ദിനമായ ഇന്ന് അതോര്‍മ്മിപ്പിച്ചു കൊണ്ടാണ് മോദിയുടെ ഉപദേശം. ഹനുമാനില്‍ നിന്ന് പ്രചോദനം ഉള്‍ക്കൊള്ളണമെന്നും അദ്ദേഹം പറഞ്ഞു. ഹനുമാന്‍ ആരില്‍ നിന്നും ഒന്നും എടുത്തില്ല. പക്ഷെ, നല്‍കി. നിങ്ങള്‍ ജനങ്ങള്‍ക്ക് അദ്ദേഹത്തെപ്പോലെ നല്‍കണമെന്നും മോദി പറഞ്ഞു.