കണ്ണൂര്‍: കൂത്തുപറമ്പില്‍ ടാങ്കര്‍ ലോറിയും കാറും കൂട്ടിയിടിച്ച് ഒരാള്‍ മരിച്ചു. മൂന്നുപേര്‍ക്ക് പരുക്കേറ്റു. പേരാവൂര്‍ മണത്തണ മഠപുരച്ചാലില്‍ തങ്കച്ചന്‍ (50)ആണ് മരിച്ചത്. പരുക്കേറ്റവരുടെ നില ഗുരുതരമാണ്.
ശനിയാഴ്ച രാവിലെയാണ് അപകടം. ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു. ഫയര്‍ഫോഴ്‌സും പൊലിസും നാട്ടുകാരും വാഹനം വെട്ടിപ്പൊളിച്ചാണ് പരുക്കേറ്റവരെ പുറത്തെത്തിച്ചത്. പരുക്കേറ്റവരെ ആശുപത്രികളില്‍ പ്രവേശിപ്പിച്ചു.