ന്യൂഡല്‍ഹി: ലോക്‌സഭയിലേക്കും നാലു സംസ്ഥാനങ്ങളിലേക്കുമുള്ള തെരഞ്ഞെടുപ്പ് ഇന്നു വൈകിട്ട് അഞ്ചു മണിക്ക് തെരഞ്ഞെടുപ്പ് കമ്മിഷന്‍ പ്രഖ്യാപിക്കും. ആന്ധ്രപ്രദേശ്, സിക്കിം, അരുണാചല്‍ പ്രദേശ്, ഒഡിഷ എന്നീ സംസ്ഥാനങ്ങളിലാണ് ലോക്‌സഭയ്‌ക്കൊപ്പം തെരഞ്ഞെടുപ്പ് നടക്കുക.

തെരഞ്ഞെടുപ്പ് പ്രഖ്യാപനം വൈകുന്നുവെന്ന പ്രതിപക്ഷ ആരോപണം ശക്തമാവുന്നതിനിടെയാണ് വിജ്ഞാപനമിറക്കാന്‍ കമ്മിഷന്‍ തയ്യാറെടുക്കുന്നുവെന്ന വാര്‍ത്ത വരുന്നത്. പദ്ധതികള്‍ പ്രഖ്യാപിക്കാനും മറ്റും സര്‍ക്കാരിന് കമ്മിഷന്‍ കൂടുതല്‍ സമയം നല്‍കുകയാണെന്നും കോണ്‍ഗ്രസ് ആരോപിച്ചിരുന്നു.

2014 തെരഞ്ഞെടുപ്പ് മാര്‍ച്ച് അഞ്ചിനു തന്നെ പ്രഖ്യാപിച്ചിരുന്നു.