കോഴിക്കോട്: ലോക്‌സഭാ തെരഞ്ഞെടുപ്പില്‍ നാലു മണ്ഡലങ്ങളില്‍ മത്സരിക്കുമെന്ന് ആര്‍.എം.പി അറിയിച്ചു. പാര്‍ട്ടിയുടെ ശക്തികേന്ദ്രമായ വടകരയില്‍ കെ.കെ രമ മത്സരിക്കും. ഇതിനു പുറമേ ആലത്തൂര്‍, കോഴിക്കോട്, തൃശൂര്‍ എന്നിവിടങ്ങളിലായിരിക്കും പാര്‍ട്ടി മത്സരിക്കുക.

തെരഞ്ഞെടുപ്പ് സഹകരണം സംബന്ധിച്ച് കോണ്‍ഗ്രസുമായി ഇതുവരെ ചര്‍ച്ച നടത്തിയിട്ടില്ലെന്നും കോണ്‍ഗ്രസ് ചര്‍ച്ചയ്ക്ക് വന്നാല്‍ അക്കാര്യം പരിഗണിക്കുമെന്നും പറഞ്ഞ എന്‍.വേണു ആര്‍.എം.പിക്ക് കൂടി സ്വീകാര്യനായ സ്ഥാനാര്‍ഥി വരുന്ന പക്ഷം പൊതുസ്ഥാനാര്‍ഥിക്കായി ആര്‍.എം.പി സ്ഥാനാര്‍ത്ഥിയെ പിന്‍വലിക്കാന്‍ തയ്യാറാണെന്നും വ്യക്തമാക്കി.