മലപ്പുറം: ലോകസഭാ ഉപതെരഞ്ഞെടുപ്പു നടക്കുന്ന മലപ്പുറത്ത് ശക്തമായ പോളിങ്. ഉച്ചയ്ക്ക് രണ്ടുമണി വരെ 48.90 ശതമാനം പോളിങ്ങാണ് രേഖപ്പെടുത്തിയത്. 13.12 ലക്ഷം വോട്ടര്‍മാരാണ് ഇന്ന് വിധിയെഴുതുന്നത്. 17 നാണ് വോട്ടെണ്ണല്‍. ഉച്ചയ്ക്കു ശേഷം കൂടുതല്‍ പേര്‍ വോട്ടുചെയ്യാന്‍ എത്തുമെന്നാണ് പ്രതീക്ഷ.

യുഡിഎഫ് സ്ഥാനാര്‍ഥി പി.കെ കുഞ്ഞാലിക്കുട്ടി പാണക്കാട് സികെഎംഎം എഎല്‍പി സ്‌കൂളില്‍ വോട്ടു രേഖപ്പെടുത്തി.

ബിജെപി സ്ഥാനാര്‍ഥി എന്‍. ശ്രീപ്രകാശ് പാണ്ടിക്കാട് വെട്ടിക്കാട്ടില്‍ ജിഎം എല്‍പി സ്‌കൂളില്‍ വോട്ടുചെയ്തു.

എല്‍ഡിഎഫ് സ്ഥാനാര്‍ഥി എംബി ഫൈസലിനു മണ്ഡലത്തില്‍ വോട്ടില്ല.

യുഡിഎഫിനു മികച്ച ഭൂരിപക്ഷം ഉണ്ടാകുമെന്നു പാണക്കാട് ഹൈദരലി ശിഹാബ് തങ്ങളും സ്ഥാനാര്‍ഥി പികെ കുഞ്ഞാലിക്കുട്ടിയും പറഞ്ഞു.

പോളിങ് ശതമാനം

മലപ്പുറം: 51.1
കൊണ്ടോട്ടി:47.8
മങ്കട: 47.5
വേങ്ങര:47.1
വള്ളിക്കുന്ന്: 44.6
മഞ്ചേരി: 54.4
പെരിന്തല്‍മണ്ണ: 49.8