പാലക്കാട്: 'കരുതിവയ്ക്കാം ജീവന്റെ തുള്ളികള്‍ നാളെക്കായ് ' എന്ന പ്രമേയത്തില്‍ സമസ്ത കേരള സുന്നി ബാലവേദി ആചരിക്കുന്ന ജലദിന കാംപയിനിന്റെ സംസ്ഥാനതല ഉദ്ഘാടനം പാലക്കാട് ആലത്തൂര്‍ മഅദനുല്‍ ഹിദായ മദ്‌സയില്‍ സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍ നിര്‍വഹിച്ചു. സുന്നി ബാല വേദി സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ അധ്യക്ഷനായി. കാരുണ്യ പ്രവര്‍ത്തനം കൊണ്ട് ശ്രദ്ധേയനായ ഫിറോസ് കുന്നുംപറമ്പില്‍ യോഗത്തില്‍ മുഖ്യാതിഥിയായി
. പറവകള്‍ക്കൊരു നീര്‍ക്കുടം പദ്ധതി ഉദ്ഘാടനം ഷാഫി പറമ്പില്‍ എം.എല്‍.എ നിര്‍വഹിച്ചു. സയ്യിദ് സദഖത്തുല്ല തങ്ങള്‍ അരിമ്പ്ര, ഖാജാ ദാരിമി തൂത, മുജീബ് റഹ്മാന്‍ ഫൈസി, മുസ്തഫ മുസ്‌ലിയാര്‍, സി.എച്ച് ബഷീര്‍ ഫൈസി, സിദ്ധീഖ് ഫൈസി, ശിഹാബുദ്ധീന്‍, അലിയാര്‍ ഫൈസി, അജ്മല്‍ ബീവിപ്പടി സംബന്ധിച്ചു. റബീഉദ്ധീന്‍ വെന്നിയൂര്‍ സ്വാഗതവും മുനാഫര്‍ ഒറ്റപ്പാലം നന്ദിയും പറഞ്ഞു.