ചൊക്ലി (കണ്ണൂര്‍): സീറ്റ് വിഷയത്തില്‍ പാര്‍ട്ടി നേതൃത്വത്തിനും എല്‍.ഡി.എഫിനുമെതിരേ പരസ്യപ്രസ്താവന നടത്തിയ എല്‍.ജെ.ഡി കോഴിക്കോട് ജില്ലാ അധ്യക്ഷന്‍ മനയത്ത് ചന്ദ്രനെതിരേ മുന്‍മന്ത്രി കൂടിയായ പാര്‍ട്ടിയുടെ കണ്ണൂര്‍ ജില്ലാ പ്രസിഡന്റ് കെ.പി മോഹനന്‍ രംഗത്തെത്തി.
വ്യക്തി താല്‍പര്യം മുന്‍നിര്‍ത്തി സംസ്ഥാന നേതൃത്വത്തിനോടുള്ള പ്രതിഷേധമാണു ചന്ദ്രന്റേതെന്നായിരുന്നു മോഹനന്റെ പ്രതികരണം.

മനയത്തിന് ഒപ്പമുണ്ടായിരുന്ന മോഹനന്‍ വടകരയിലെ എല്‍.ഡി.എഫ് സ്ഥാനാര്‍ഥി പി. ജയരാജന്റെ കൂടെ ഇന്നലെ പ്രചാരണത്തിനിറങ്ങി.

അടുത്ത നിയമസഭാ തെരഞ്ഞെടുപ്പില്‍ കൂത്തുപറമ്പ് മണ്ഡലം നല്‍കാമെന്ന സി.പി.എം വാഗ്ദാനമാണ് കെ.പി മോഹനന്റെ നിലപാട് മാറ്റത്തിന് കാരണമെന്നാണ് ആരോപണം.