കുറ്റിക്കാട്ടൂര്‍: കലാമേളയില്‍ നടന്ന ബുര്‍ദ ആലാപന മത്സരം സദസ്യരുടെ മനം കവര്‍ന്നു.
വ്യത്യസ്ത രീതിയിലും വേഷത്തിലും ബുര്‍ദ ആലപിച്ച തിരുവങ്ങൂര്‍ റെയ്ഞ്ചിലെ ദാനിഷ് ഹുസൈനും സംഘവുമാണ് ഒന്നാംസ്ഥാനം നേടിയത്.
കണ്ണംകടവ് ദാറുസ്സലാം മദ്‌റസയിലെ വിദ്യാര്‍ഥികളാണിവര്‍. ഖത്തീബും അധ്യാപകനുമായ മാമ്പുഴ ഫൈറൂസ് ഫൈസിയാണ് ഇവരുടെ ഗുരുനാഥന്‍.
ബുര്‍ദ ആലാപനത്തിലും അവതരണത്തിലും വേറിട്ടുനിന്നു. സീനിയര്‍ വിഭാഗം ബുര്‍ദയില്‍ അഴിയൂര്‍ റെയ്ഞ്ചിലെ റഹ്മാനിയ്യ മദ്‌റസയിലെ മുഹമ്മദ് സിനാനും സംഘത്തിനുമാണ് ഒന്നാം സ്ഥാനം ലഭിച്ചത്. അധ്യാപകരുടെ ബുര്‍ദയില്‍ നരിക്കുനി സി.എം മഖാം നുസ്‌റത്തുല്‍ ഹുദ ഹയര്‍ സെക്കന്‍ഡറി മദ്‌റസയിലെ അധ്യാപകര്‍ ഒന്നാം സ്ഥാനം നേടി.