പയ്യോളി: തീരദേശവാസികളുടെ കുടിവെള്ള പ്രശ്‌നം പരിഹരിക്കണമെന്നാവശ്യപ്പെട്ട് പയ്യോളി ടൗണില്‍ കൂട്ട ഉപവാസം നടത്തി. വീടുകളിലെ കിണറ്റിലെ മഞ്ഞനിറത്തിലുള്ള വെള്ളം കുപ്പികളില്‍ ശേഖരിച്ചാണ് സമരക്കാര്‍ എത്തിയത്. ബസ് സ്റ്റാന്റില്‍ നടന്ന ഉപവാസം കല്‍പറ്റ നാരായണന്‍ ഉദ്ഘാടനം ചെയ്തു.
ജീവിക്കാന്‍ വേണ്ടിയുള്ള ജനകീയ സമരങ്ങളില്‍ നിന്നും രാഷ്ട്രീയ പാര്‍ട്ടികള്‍ മുഖംതിരിഞ്ഞ് നില്‍ക്കുകയാണെന്ന് അദ്ദേഹം പറഞ്ഞു. പുല്‍ക്കൊടിക്കൂട്ടം സാംസ്‌കാരിക സംഘടനയുടെ നേതൃത്വത്തില്‍ ജലസമര സമിതി സംഘടിപ്പിച്ച ഉപവാസത്തില്‍ സ്ത്രീകളടക്കം നൂറുക്കണക്കിനു പേര്‍ പങ്കെടുത്തു.
വിളയോടി വേണുഗോപാലന്‍, എം.സമദ്, മരച്ചാലില്‍ ബാലകൃഷ്ണന്‍, കളത്തില്‍ ഖാസിം, നിസാര്‍ കാഞ്ഞിരോളി, വലിയപുരയില്‍ ഗോപിനാഥന്‍, വി.പി സതീശന്‍, നിഷീദ് മരച്ചാലില്‍, പത്മജ ഇയ്യോത്തില്‍, കെ. ശ്രീകല, അംബിക ഗിരിവാസന്‍ സംസാരിച്ചു.