മാനന്തവാടി: കര്‍ഷകന്‍ ആത്മഹത്യ ചെയ്തു. എടവക കുനിക്കരച്ചാലില്‍ പാലിശ്ശേരി ലോഹിതാക്ഷന്‍ എന്ന ദാസന്‍ (42) ആണ് മരിച്ചത്. കൊളഗപ്പാറയിലെ ഭാര്യവീട്ടില്‍ താമസിച്ചു വന്നിരുന്ന ഇയാള്‍ കഴിഞ്ഞ ദിവസം ആളൊഴിഞ്ഞ തറവാട് വീട്ടില്‍ എത്തി തൂങ്ങി മരിക്കുകയായിരുന്നു.
കടബാധ്യത മൂലമാണ് ആത്മഹത്യയെന്ന് ബന്ധുക്കള്‍ ആരോപിച്ചു. വിവിധ ബാങ്കുകളിലായി രണ്ടര ലക്ഷം രൂപ കടബാധ്യതയുണ്ടെന്നും ഇവര്‍ പറഞ്ഞു.
ഭാര്യ; സരിത. മക്കള്‍: ജിത്തു, അനാമിക.