ഓമശ്ശേരി: അമ്പലക്കണ്ടി പുതിയോത്ത് വാഫി കോളജ് ഉദ്ഘാടനവും കെ.പി അബൂബക്കര്‍ മുസ്‌ലിയാര്‍ അനുസ്മരണവും ഇന്ന് നടക്കും. രാവിലെ ഒന്‍പതിന് നടക്കുന്ന അനുസ്മരണം സമസ്ത മുശാവറ അംഗം വാവാട് പി.കെ കുഞ്ഞിക്കോയ മുസ്‌ലിയാര്‍ ഉദ്ഘാടനം ചെയ്യും. മലയമ്മ അബൂബക്കര്‍ ഫൈസി അനുസ്മരണ പ്രഭാഷണം നടത്തും.11ന് പി.സി കുഞ്ഞാലന്‍കുട്ടി മുസ്‌ലിയാര്‍ ഇസ്‌ലാമിക് ആന്‍ഡ് ആര്‍ട്‌സ് കോളജ് ഉദ്ഘാടനവും പഠനാരംഭവും പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വഹിക്കും. പി.കെ കുഞ്ഞിക്കോയ മുസ്‌ലിയാര്‍, സൈദ് മുഹമ്മദ് നിസാമി, വി.എം ഉമ്മര്‍ മാസ്റ്റര്‍ പങ്കെടുക്കും.