താമരശേരി: കാന്തപുരം മേഖലാ മുസ്‌ലിം ലീഗ് കമ്മിറ്റിയുടെയും സി.എച്ച് സെന്ററിന്റെയും ആഭിമുഖ്യത്തില്‍ മെഡിക്കല്‍ ക്യാംപും കരിഞ്ചോല ദുരന്തഭൂമിയില്‍ സ്തുത്യര്‍ഹമായ സേവനം നടത്തിയവരെ ആദരിക്കല്‍ ചടങ്ങും ഉണ്ണികുളം പഞ്ചായത്ത് പ്രസിഡന്റ് ഇ.ടി ബിനോയ് ഉദ്ഘാടനം ചെയ്തു.
നജീബ് കാന്തപുരം അധ്യക്ഷനായി. ദുരന്തഭൂമിയില്‍ സേവനം നടത്തിയ മജീദ് കുന്നുമ്മല്‍, പി.സി രാജന്‍, കെ. അബ്ദുല്‍ മജീദ് (ലാബ്), അബ്ദുല്‍ അസീസ് മുസ്‌ലിയാര്‍, വി.പി മുഹമ്മദ് സനീം എന്നിവരെയാണ് അനുമോദിച്ചത്. വാര്‍ഡ് മെംബര്‍ കെ.പി സക്കീന, എ.പി ഹുസൈന്‍, അബ്ദുറഹ്മാന്‍കുട്ടി, സി. അസീസ്, ഒ.വി മൂസ, മുഹമ്മദ് വി.കെ, ഷമ്മാസ് കൊല്ലോന്നുമ്മല്‍, കെ.കെ മുനീര്‍, ഫസല്‍ വാരിസ് സംസാരിച്ചു. മങ്ങാട് ഗവ. ഹെല്‍ത്ത് സെന്ററിലെ ഇന്‍സ്‌പെക്ടര്‍ മുജീബ് മഴക്കാല രോഗബോധവല്‍ക്കരണ ക്ലാസ് നടത്തി.
പൂനൂര്‍ മെഡിക്കല്‍ സെന്ററിന്റെ സഹകരണത്തോടെ നടത്തിയ മെഡിക്കല്‍ ക്യാംപില്‍ ഡോ.ജോയ് രോഗികളെ പരിശോധിച്ചു. അബ്ദുല്ല അവേലത്ത്, എ. മന്‍സൂര്‍ മാസ്റ്റര്‍, എ.പി അഷ്‌റഫ്, എന്‍.കെ ഫാരിസ് ഹബീബ്, ഷഹബാസ് നേതൃത്വം നല്‍കി.