പൂച്ചാക്കല്‍: ഉത്സവം കാണാന്‍ പോയ വിദ്യാര്‍ഥിയെ കാണാനില്ലെന്നു പരാതി. ചേര്‍ത്തല പാണാവള്ളി പഞ്ചായത്ത് പതിനേഴാം വാര്‍ഡ് തോട്ടത്തില്‍ നികര്‍ത്തില്‍ താജു മകന്‍ നിസാമിനെയാണ് (17) ശനിയാഴ്ച മുതല്‍ കാണാതായത്. തളിയാപറമ്പ് ക്ഷേത്രത്തില്‍ ശനിയാഴ്ച രാത്രി ഉത്സവം കാണാന്‍ പോയ നിസാം പിന്നീട് തിരിച്ചു വന്നിട്ടില്ലെന്നു മാതാപിതാക്കള്‍ പൂച്ചാക്കല്‍ പൊലിസില്‍ നല്‍കിയ പരാതിയില്‍ പറയുന്നു.
പരാതി ലഭിച്ചതിനെതുടര്‍ന്ന് ഇന്നലെ രാവിലെയാണ് പൂച്ചാക്കല്‍ പൊലിസ് നിസാമിന്റെ വീട്ടില്‍ എത്തി ബന്ധുക്കളില്‍ നിന്നും മൊഴിയെടുത്തത്.നിസാം ഉപയോഗിച്ചിരുന്ന ഫോണ്‍ വീട്ടില്‍ വച്ചിട്ടാണ് ഉത്സവം കാണാന്‍ പോയത്. ഫിംഗര്‍പ്രിന്റ് വച്ച് ലോക്ക് ചെയ്ത ഫോണ്‍ പരിശോധനക്കായി പൊലിസ് കസ്റ്റഡിയില്‍ വാങ്ങിയിട്ടുണ്ട്. ഇത് പരിശോധിക്കും.
കൂടാതെ ക്ഷേത്രത്തിലെയും പരിസരത്തെയും സി.സി ടി.വികളും പരിശോധിക്കുമെന്ന് പൂച്ചാക്കല്‍ പൊലിസ് പറഞ്ഞു. നിസാമിനെ കുറിച്ച് അറിയുന്നവര്‍ ഈ നമ്പറില്‍ അറിയിക്കണമെന്ന് ബസുക്കള്‍ അറിയിച്ചു. 048564568, 04782522249.