കോഴിക്കോട്: സുന്നി യുവജ നസംഘം സംസ്ഥാന കമ്മിറ്റിയുടെ ആദര്‍ശ സമിതിക്ക് കീഴില്‍ ആരംഭിക്കുന്ന ആദര്‍ശപാഠശാല ഏപ്രില്‍ ആദ്യവാരം തുടങ്ങാന്‍ കോഴിക്കോട് സമസ്താലയത്തില്‍ ചേര്‍ന്ന സെക്രട്ടേറിയറ്റ് യോഗം തീരുമാനിച്ചു. പ്രവര്‍ത്തകര്‍ക്ക് അഹ് ലു സുന്നത് വല്‍ ജമാഅത്തിന്റെ ആശയങ്ങള്‍ സമഗ്രമായി പഠിപ്പിക്കുക എന്ന ലക്ഷ്യത്തോടെയാണ് ആദര്‍ശപാഠശാലക്ക് രൂപം നല്‍കുന്നത്. ശാഖകളില്‍നിന്ന് തെരഞ്ഞെടുക്കപ്പെട്ട മെംബര്‍മാരാണ് പഠിതാക്കള്‍. കൃത്യമായ കാലയളവില്‍ പ്രത്യേകം തയാറാക്കിയ സിലബസോടുകൂടിയാണ് പാഠശാല ക്രമീകരിച്ചിരിക്കുന്നത്. ആദര്‍ശപാഠശാലയുടെ സംസ്ഥാന കണ്‍വീനറായി ഹംസ റഹ്മാനി കൊണ്ടിപറമ്പിനെ യോഗം തിരഞ്ഞെടുത്തു.
മുജാഹിദുകളുമായി ആശയ സംവാദം നടത്തി അവരുടെ ആശയ വൈകല്യങ്ങള്‍ സമൂഹത്തിന് മുന്നില്‍ തുറന്നു കാട്ടിയ ഇസ്തിഖാമ പ്രവര്‍ത്തകരെ യോഗം പ്രത്യേകം അഭിനന്ദിച്ചു. സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി അധ്യക്ഷനായി. കെ.എ റഹ്മാന്‍ ഫൈസി, മെട്രോ മുഹമ്മദ് ഹാജി, മലയമ്മ അബൂബക്കര്‍ ബാഖവി, അബ്ദുല്‍ ഹമീദ് ഫൈസി അമ്പലക്കടവ്, പുത്തനഴി മൊയ്തീന്‍ ഫൈസി, സി.എച്ച് മഹമൂദ് സഅദി, അലവിഫൈസി കുളപ്പറമ്പ്, കെ.ഇ മുഹമ്മദ് മുസ്‌ലിയാര്‍, ടി.കെ മുഹമ്മദ്കുട്ടി ഫൈസി, ഹംസ റഹ്മാനി കൊണ്ടിപറമ്പ്, സലീം എടക്കര, നിസാര്‍ പറമ്പന്‍, മുസ്തഫ മുണ്ടുപാറ, എസ്.കെ ഹംസ ഹാജി സംബന്ധിച്ചു. നാസര്‍ ഫൈസി കൂടത്തായി സ്വാഗതവും കെ. മോയിന്‍കുട്ടി മാസ്റ്റര്‍ നന്ദിയും പറഞ്ഞു.