തോല്‍പ്പെട്ടി: തോല്‍പ്പെട്ടി എക്‌സൈസ് ചെക്‌പോസ്റ്റില്‍ കഞ്ചാവുമായി യുവാക്കള്‍ പിടിയില്‍.
ചെക്ക് പോസ്റ്റില്‍ ഇന്നലെ പുലര്‍ച്ചെ വാഹന പരിശോധനയില്‍ കെ.എല്‍ 58 എക്‌സ് 8510 മാരുതി സ്വിഫ്റ്റ് കാറില്‍ കടത്തി കൊണ്ടുവന്ന 200 ഗ്രാം കഞ്ചാവാണ് പിടികൂടിയത്.
കഞ്ചാവ് കടത്തിയ കണ്ണൂര്‍ പാനൂര്‍ സ്വദേശികളായ സമീര്‍, (27) ഇര്‍ഷാദ് (24) എന്നിവരെ ചെക്ക് പോസ്റ്റിലെ എക്‌സൈസ് ഇന്‍സ്‌പെക്ടര്‍ എം.എം കൃഷ്ണന്‍കുട്ടിയും സംഘവും അറസ്റ്റ് ചെയ്തു. തുടര്‍ന്ന് പ്രതികളെ മാനന്തവാടി റെയ്ഞ്ച് ഓഫിസില്‍ ഹാജരാക്കി.
എക്‌സൈസ് ഇന്‍സ്‌പെക്ടര്‍ കൂടാതെ പ്രിവന്റീവ് ഓഫിസര്‍ ഷാജിമോന്‍, സിവില്‍ എക്‌സൈസ് ഓഫിസര്‍മാരായ സനൂപും അമല്‍ തോമസും പരിശോധനയില്‍ പങ്കെടുത്തു.