കല്‍പ്പറ്റ (വയനാട്): വയനാട് ജില്ലയില്‍ ഒരാള്‍ക്കുകൂടി കുരങ്ങുപനി സ്ഥിരീകരിച്ചു. തിരുനെല്ലി പഞ്ചായത്തിലെ 27 കാരനാണ് രോഗബാധ സ്ഥിരീകരിച്ചത്. വനാതിര്‍ത്തിയുമായി സമ്പര്‍ക്കം പുലര്‍ത്തിവന്നിരുന്ന വ്യക്തിയാണ് രോഗബാധിതനായ യുവാവ്. ഇതോടെ വയനാട്ടില്‍ ഈ വര്‍ഷം രോഗബാധ സ്ഥിരീകരിച്ചവരുടെ എണ്ണം അഞ്ചായി.
കഴിഞ്ഞ ഒരാഴ്ചയായി തലകറക്കവും ചര്‍ദ്ദിയുമായി ജില്ലാ ആശുപത്രിയില്‍ ചികിത്സയിലായിരുന്ന യുവാവിന്റെ ശരീര സ്രവം മണിപ്പാല്‍ വൈറോളജി ലാബില്‍ പരിശോധിച്ചതിന്റെ അടിസ്ഥാനത്തിലാണ് ഇന്നലെ കുരങ്ങുപനി സ്ഥിരീകരിച്ചത്.

ഇതേത്തുടര്‍ന്ന് രോഗിയെ കോഴിക്കോട് മെഡിക്കല്‍ കോളജിലേക്ക് റഫര്‍ ചെയ്തു.