പടിഞ്ഞാറത്തറ: ഗവ. എല്‍പി സ്‌കൂളിലാണ് ലോകകപ്പ് ആവേശത്തെ വിവിധ പരിപാടികളോടെ കുട്ടികളിലേക്കും പകരുന്നത്. ഇതോടനുബന്ധിച്ച് ഓരോ ദിവസവും അതതു ദിവസത്തെ കളികളുടെ മത്സരഫലം പ്രവചിക്കാനുള്ള അവസരമുണ്ട്. വിജയികള്‍ക്ക് സമ്മാനവും നല്‍കും. സ്‌കൂളിലെ എല്ലാ കുട്ടികള്‍ക്കും മത്സരത്തില്‍ പങ്കെടുക്കാം. ലോകകപ്പ് ജേതാക്കളെ പ്രവചിക്കുന്ന മെഗാ പ്രവചന മത്സരവുമുണ്ട്. ആഘോഷങ്ങളുടെ അവസാനം കുട്ടികള്‍ക്കായി പെനാല്‍ട്ടി ഷൂട്ടൗട്ട് മത്സരവും ഉണ്ടാകും. വിദ്യാലയത്തിലെ സ്റ്റാഫ് സെക്രട്ടറി എം.കെ ഷമീര്‍ ആണ് പരിപാടിക്ക് നേതൃത്വം നല്‍കുന്നത്.