തൃശൂര്‍: പാര്‍ട്ടി തൂപ്പുകാരന്റെ ജോലി തന്നാലും സ്വീകരിക്കുമെന്ന് തൃശൂര്‍ ഡി.സി.സി പ്രസിഡന്റ് ടി.എന്‍ പ്രതാപന്‍. തൃശൂരില്‍ സ്ഥാനാര്‍ഥിയാകുമോ എന്ന മാധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം.

പാര്‍ട്ടി തനിക്ക് ഒരുപാട് അവസരങ്ങള്‍ തന്നിട്ടുണ്ട്. സ്ഥാനാര്‍ഥി ആര് എന്നതില്‍ തര്‍ക്കങ്ങളില്ല. ജില്ലയിലെ എല്ലാ ചുവരുകളും കോണ്‍ഗ്രസിന്റെ പേരുകളെഴുതാന്‍ തയാറാണ്.
ബൂത്ത് പ്രസിഡന്റുമാര്‍ക്കും ബൂത്ത് ഏജന്റുമാര്‍ക്കുമുള്ള പരിശീലനം പൂര്‍ത്തിയായി. തൃശൂരില്‍ ആര് സ്ഥാനാര്‍ഥിയായാലും യു.ഡി.എഫിന്റെ വിജയം ഉറപ്പാണ്. ചാലക്കുടിയും ആലത്തൂരും തിരിച്ചുപിടിക്കുമെന്നും അദ്ദേഹം പറഞ്ഞു.