ഗൂഡല്ലൂര്‍: മുതുമല കടുവാ സങ്കേതത്തിലെ കാര്‍കുടി വനത്തില്‍ കടുവയുടെ ജഡം കണ്ടെത്തി. വനത്തില്‍ റോന്തു ചുറ്റുന്നതിനിടെ വനപാലകരാണ് അഴുകിയ നിലയില്‍ ജഡം കണ്ടത്.
വിവരമറിഞ്ഞ് മുതുമല കടുവാസങ്കേതം ഡയറക്ടര്‍ ഉലകനാഥന്‍, ഡെപ്യൂട്ടി ഡയറക്ടര്‍ ചെമ്പകപ്രിയ, വെറ്ററിനറി ഡോകടര്‍മാരായ ഭാരത് ജ്യോതി, അരുണ്‍ എന്നിവര്‍ സ്ഥലത്തെത്തി പരിശോധന നടത്തി. പതിനൊന്ന് വയസ്സ് പ്രായമുള്ള കടുവയാണ് ചത്തതെന്നും മുള്ളന്‍പ്പന്നിയുമായുള്ള സംഘട്ടനത്തില്‍ പന്നിയുടെ മുള്ള് തറച്ചതാണ് ചാകാന്‍ കാരണമെന്നും വനം വകുപ്പ് അധികൃതര്‍ പറഞ്ഞു.