ദിസ്പൂര്‍: അസമില്‍ യുവതിയെ ബലാത്സംഗം ചെയ്യാന്‍ ശ്രമിച്ച കേസില്‍ ബി.ജെ.പി നേതാവ് അറസ്റ്റിലായി. ഹോജായ് ജില്ലയിലെ ബി.ജെ.പി ന്യൂനപക്ഷ മോര്‍ച്ച പ്രസിഡന്റ് കമറുല്‍ ഹഖ് ചൗധരിയാണ് അറസ്റ്റിലായത്. കഴിഞ്ഞ 11ന് ചൗധരിയുടെ വീട്ടില്‍വച്ച് പീഡിപ്പിക്കാന്‍ ശ്രമിച്ചെന്നാരോപിച്ച് ലങ്ക പോലിസ് സ്റ്റേഷനിലാണ് യുവതി പരാതി നല്‍കിയത്. സ്വകാര്യഭാഗങ്ങളില്‍ നേതാവ് സ്പര്‍ശിച്ചെന്നായിരുന്നു പരാതി.
പോലിസ് കേസ് രജിസ്റ്റര്‍ ചെയ്യുകയും കമറുള്‍ ചൗധരിയെ അറസ്റ്റ് ചെയ്യുകയുമായിരുന്നു. ബലാല്‍സംഗം, ശിക്ഷാര്‍ഹമായ കുറ്റകൃത്യങ്ങള്‍ ചെയ്യല്‍, ഭീഷണിപ്പെടുത്തല്‍ എന്നീ വകുപ്പുകളാണ് ചുമത്തിയിരിക്കുന്നതെന്ന് ഹൊജായ് ജില്ലാ എ.എസ്.പി സുമന്‍ ചക്രബര്‍ത്തി പറഞ്ഞു.