ചെന്നൈ: തമിഴ്‌നാട്ടിലെ മുതിര്‍ന്ന സി.പി.എം നേതാവും മുന്‍ പോളിറ്റ് ബ്യൂറോ അംഗവുമായിരുന്ന കെ.വരദരാജന്‍(74) അന്തരിച്ചു. ശ്വാസകോശ സംബന്ധമായ അസുഖങ്ങളെ തുടര്‍ന്നാണ് അന്ത്യം.
സിവില്‍ എന്‍ജിനിയറിങ്ങില്‍ ഡിപ്ലോമ നേടിയ അദ്ദേഹം 1968ലാണ് പാര്‍ട്ടി അംഗമായി തെരഞ്ഞെടുക്കപ്പെട്ടത്. പാര്‍ട്ടിയില്‍ നിരവധി സ്ഥാനങ്ങള്‍ വഹിച്ച അദ്ദേഹം 1998ല്‍ ഓള്‍ ഇന്ത്യ കിസാന്‍ സഭ ജനറല്‍ സെക്രട്ടറിയായി. 1998ല്‍ സി.പി.എം കേന്ദ്ര കമ്മിറ്റിയിലും 2005ല്‍ പൊളിറ്റ് ബ്യൂറോയിലും അംഗമായി. നിലവില്‍ കേന്ദ്ര കമ്മിറ്റി അംഗവും കിസാന്‍ സഭ വൈസ് പ്രസിഡന്റുമായിരുന്നു.